Garapen psikomotriza ebaluatzeko teknika ezberdinak:

Haur baten garapen psikomotriza ebaluatzeko, irizpide ezberdinak kontuan hartzen dituzten ebaluazio motak daude. Aurreko idatzian aipatutako irizpide tradizionalez gain, honako ebaluazio motak ere daude:

• Oseretzky-ren teknika:

Kontuan hartzen ditu:

- Gorputz atal ezberdinen posturen garapena.

- Sentimenduen adierazpenak (aurpegikoak, barrea, negarra...), keinuak, mugimendu automatikoak, defentsa mugimenduak, hizkera eta mugimendu anormalak.

Eskala Metrikoa mugimenduen ondoko ezaugarriak hartzen ditu kontuan:

- Koordinazio estatikoa, eskuen koordinazio dinamikoa, koordinazio dinamiko orokorra, mugimenduak egiteko abiadura eta mugimenduen aldiberekotasuna.

Eskala hau erabiltzeak, zehaztutako materialen erabilera eskatzen du eta behaketaren bitartez subjektuaren Adin Motorea eta Gaitasun Motorea zehazten dira.

• Brunet-Lezine-n eskala:

Ebaluazio mota honetan, subjektuari elkarrizketa bat egin behar zaio bere eta bere inguruaren ezaugarriak ezagutzeko, garapena atzeratu dezaketen faktoreak antzemateko edo garapen desegokia eragiten duten faktoreak antzemateko, batez ere garapenaren lehen hilabeteetan ematen direnak.

Ebaluatzen diren faktoreak sentimen eta motrizitatekoak dira, hots, gorputz-jarrera mugimenduak, koordinazioa eta lengoaia.

0 eta 5 urteko haurren garapena ebaluatzen du eskala honek. Adin bakoitza 10 item ezberdinetan oinarrituz ebaluatzen da. 10 itemeko blog bakoitzean egoera ezberdinen inguruko test bat agertzen da 6 itemetan banatuta, haurraren jarrera era zuzenean ezagutzeko eta beste lau itemetan, haurraren senide bati egindako elkarrizketa agertzen da. Modu honetan, haurraren garapen fasea zehaztea lortzen da, duen Garapen Adina eta Adin Kronologikoa konparatuz.

• Gessel-en garapenaren diagnostikorako teknikak:
  

Teknika hau Garapen Eskema batzuetan oinarritzen da. Eskema bakoitzean adin ezberdinak hartzen dira kontuan: 4 aste, aste bat, 28 seg, 40seg, 12 hilabete, 18 minutu eta 2 edota 3 urte. Diagnostikoa egiteko, erdi-egituratutako hasierako elkarrizketa bat egin behar zaio haurraren hurbileko norbaiti (normalean ama) eta horren bitartez, subjektua adin baten inguruko aldiekin erlazionatuko dugu.

Ebaluatutako aspektuak motrizitatea, egokitze jarrera, hizkuntza eta garapen sozio-pertsonala dira. Hasierako elkarrizketaren emaitzek lortu ostean, ebaluaketa bat burutzen da. Emaitzek Garapen Maila baten inguruan aritzea ahalbidetuko ligukete.

• Bayley eskalak (0 eta 30 hilabete artean):

Bi eskala osatzen dute, mentala eta Psikomotriza. Eskala bien kasuan, behaketa zuzena egin behar zaio subjektuari, prozedimendu espezifikoen bidez. Psikomotrizitate eskalan kontuan hartzen diren irizpideak honako hauek dira: gorputz jarreren kontrola, koordinazio orokorra eta manipulazio gaitasunak.

• McCarthy-ren eskala:

Sei eskalak osatzen dute: Pertzepzio-manipulazio eskala eta Motrizitate eskala besteak beste.
Prozedimendu ugari daude aspektu espezifiko batzuk era independentean kontuan hartzen dituztenak, bai espezifikoak zein oinarrizkoak.

Informazio iturria: Diccionario enciclopédico de educación especial. Madrid: Aula Santillana, 1988.